Frivillige lag og organisasjonar i Lærdal kommune vil gjennom foreininga Lærdalsmarknaden samarbeide om marknadsarrangement i kommunen. Alle frivillige lag og interesseorganisasjonar i Lærdal kommune kan teikne medlemsskap i foreininga Lærdalsmarknaden. Kvart lag/medlem har ei røyst, så framt årleg kontingent er innbetalt innan årsmøtet tek til. Arrangementa skal gje inntektsmoglegheiter for dei deltakande frivillige lag og organisasjonar, og samstundes skape marknader til glede for ålmenta.

Under marknadsdagar i regi av foreininga Lærdalsmarknaden, disponerer marknadsnemnda («arrangementsnemnd») Lærdal kommune sin rett til å tilvise plass til seljarar. Så lenge marknadsnemndi disponerer denne retten, så har Lærdal kommune møterett i marknadsnemnda.

Årsmøtet er det høgaste styringsorganet i foreininga Lærdalsmarknaden, og det blir halde kvart år innan utgangen av mars månad. Styret kallar inn til årsmøtet med minst tre veker varsel direkte til medlemmene, eventuelt på ein annan forsvarleg måte. Saksdokumenta sendast ut til medlemmene via e-post, eller på ein annen forsvarleg måte. I så fall skal det gå fram at dokumenta vil bli gjorde tilgjengelege seinast éi veke før årsmøtet. Framlegg som skal handsamast på årsmøtet, må vere sende til styret seinast to veker før årsmøtet. Fullstendig sakliste og andre naudsynte saksdokument med framlegg til årsmøtet må vere gjorde tilgjengelege seinast éi veke før årsmøtet. Årsmøtet er vedtaksført om det møter minst like mange røysteføre medlemmer som det er styremedlemmer som skal veljast av årsmøtet. Om årsmøtet ikkje er vedtaksført, kan det bli kalla inn til årsmøte på nytt utan krav til minimumsdeltaking.

Årsmøtet skal:
- godkjenne dei som har røysterett
- velje møteleiarar
- velje protokollførar
- velje to medlemmer til å underskrive protokollen
- godkjenne innkallinga
- godkjenne saklista
- handsame årsmeldinga frå foreininga Lærdalsmarknaden
- handsame rekneskapen til foreininga Lærdalsmarknaden, meldinga frå revisorane
- handsame framlegg og saker
- handsame medlemskontingent etter framlegg frå styret
- handsame budsjettet til foreininga Lærdalsmarknaden gjere følgjande val:
- - styre med leiar og inntil 4 medlemmer
-- marknadsnemnd med leiar og inntil 6 medlemmer
- - to revisorar
- - valkomité, derav ein leiar

Styret vert valt av årsmøtet, og kan ha inntil 5 medlemmer. Styret har daglege ansvaret for strategi, utvikling og økonomistyring i organisasjonen. Styret kjem med framlegg til årsmøtet om storleiken på medlemskapskontingent komande år, budsjett og innstilling om rekneskap og årsmelding. Styret kan engasjera lønna hjelp i foreininga Lærdalsmarknaden. Vedkomande har møte- og talerett i styre og nemnd, men ikkje røysterett. Organet har toårig funksjonsperiode, og styreleiar vert valt av årsmøtet, og kan sjølv konstituere seg med dei styrefunksjonar dei ynskjer.

Marknadsnemndi vert valt av årsmøtet, og skal ha minst 7 medlemmer. Marknadsnemndi har ansvaret for å gjennomføre dei årlege marknadane, innanfor økonomiske råmer gjeve av styret. Organet har toårig funksjonsperiode, og styreleiar vert valt av årsmøtet, og kan sjølv konstituere seg med dei styrefunksjonar dei ynskjer Marknadsnemndi har òg fullmakt til å opprette undergrupper til særskilte arbeidsoppgåver og engasjera eksterne samarbeidspartar når det krev særskilt kompetanse. Leiaren i marknadsnemndi har møte- og talerett i styret.

Valnemnd vert valt av årsmøtet, etter framlegg frå styret. Valnemnda som skal kome med framlegg til styre («forretningsstyre»), marknadsnemnd («arrangementsnemnd») og to revisorar. Ein medlem av ein valkomité som sjølv blir kandidat til eit verv, pliktar å tre ut av valkomiteen med mindre vedkommande skriftleg melder frå til valkomiteen og framleggsstillaren om at vedkommande ikkje er aktuell for vervet.

Revisorar, to personar, vert valt av årsmøtet.

Styret i foreininga Lærdalsmarknaden har ansvar for å forvalte Lærdalsmarknaden sin økonomi, å syte for forsvarleg rekneskapsførsel og legge til rette for dei valde revisorane sitt arbeid. Rekneskapen skal vise ei oppstilling over inntekter og kostnader i rekneskapsåret og skal omfatte heile aktiviteten til foreininga Lærdalsmarknaden.

Alle transaksjonar skal dokumenterast på ein måte som viser kvifor dei er rimelege.

Rekneskapen skal bokførast og spesifiserast så ofte som det er rimeleg ut frå kva slags opplysningar det gjeld.

Rekneskapen med alle vedlegg, bokførte opplysningar og underdokumentasjon skal oppbevarast på ein trygg måte i minimum fem år etter utgangen av rekneskapsåret.

Bankkonti skal vere knytte til foreininga Lærdalsmarknaden og skal disponerast av minimum to personar i fellesskap. Alle utbetalingstransaksjonar skal vere godkjende av minimum to personar i fellesskap.

Årsmøtet kan med vanleg fleirtal vedta endringar i vedtektene for foreininga Lærdalsmarknaden, så lenge framlegget har vore oppført på saklista til årsmøtet. Framlegg til endringar skal sendast til styret, som legg saka fram for årsmøtet, med si tilråding. Vedtekne endringar trer i kraft straks, med mindre årsmøtet vedtek noko anna.

Framlegg om oppløysing må vedtakast med 2/3 fleirtal på to årsmøte på rad, der det andre årsmøtet må haldast minimum tre månader og maksimum seks månader seinare. Om årsmøtet i foreininga Lærdalsmarknaden vedtek oppløysing samrøystes, er foreininga oppløyst utan påfølgjande årsmøte.

Ved oppløysing eller anna opphøyr av foreininga Lærdalsmarknaden går overskytande midlar i laget etter avvikling til eit føremål mest mogleg i samsvar med §1 i desse vedtektene, alternativt til føremål som tener det frivillige lagsarbeidet innan Lærdal kommune sine grenser.